القطوة
مشرفه قمر النغمات والثيمات والالعاب
عدد الرسائل : 1261
المزاج : مزاجي عالي
نقاط التميز : 5
تاريخ التسجيل : 20/07/2008
 |  موضوع: ليله حمره ليله بنفسجيه ليله زرقه ليله ورديه ليله بيضه ليله عجيـبه  الجمعة أكتوبر 10, 2008 10:37 pm | |
|
ليله حمره ليله بنفسجيه ليله زرقه ليله ورديه ليله بيضه ليله عجيـبه>>
عندي لكم ليالي حلوه وجميله وراااااائعه
اذا كنتي تبين تغيرين الروتين والملل في العلاقه الزوجيه سوي واعملي اللي بقولك عليه
في ليله من ليالي عمرك السعيد اعملي و سوي ليله عجيبه غريبه ؟؟ انا اقولكم اشلون
مثلا خلي ليلتكم اليوم زرقه روحي لمحل رخيص مثل محل بو درهم ودرهمين
واشتري الاشياء التاليه :
1- ورق ملون ( كريشه ) باللون الازرق
2- شموع لون ازرق
3- ورد مجفف لون ازرق
4- شرايط لون ازرق
5- تحف ناعمه لون ازرق
6- بالونات لون ازرق
7-اكسسوارات لون ازرق ( مثل الريش اللي يجي على شكل اكسسوار )
8- زينه لونها ازرق ( اللي لاعياد الميلاد)
وروحي للجمعيه او السوبرماركت واشتري
1- مشروب لون ازرق ( كاديه الجديد عرفتوه لونه حلو )
2- كاكاو لون الكيس ازرق
3-جلي لون ازرق
5- ليت ( لمبه ) لونه ازرق
نبتدي ارجعي البيت واخذي غرفة الجلوس وحطي على الحائط الورق الازرق وغيري اشوي بالاثاث وحطي الورق الازرق على الطاوله
وجيبي الشموع والتحف الناعمه وحطيها عالطاوله
وانفخي البالونات بالغرفه وخليها منثره بكل مكان
وجيبي قطعة خام لونها ازرق ستان ناعم وفرشيها عالارض وحطي فوقها الورد المجفف الازرق وقصصي شرايط باحجام مختلفه وارميها على الورد ( يعني لاتروحين غرفة النوم خليكم عالخام الازرق الناعم )
واخذي قطع خام لونها ازرق وغطي الاثاث بالغرفه ورتبيه يبين كان الاثاث جديد وازرق واعملي ورد بالشرايط وحطيه عالخام
واخذي الزينه وحطي عالثريات او عالطوفه وخلي جزء صغير منها للباب
وحطي الليت او اللمبه الزرقه في ابجوره او في احد الثريات ويفضل تكون لمبتين او ليتين لان الازرق خفيف اشوي
وانتي الحين روحي لبسي لبس ازرق حلو ومكياج ازرق ولا تحطين حمره لونها فاقع خليها فاااااتحه ماشيه مع الازرق قلوس خفيف كافي ومع عطر هااااااااادي
والبسي اكسسوارات زرقه وحذاء ازرق وااااااااااااااو
واخذي كاسات زجاج وحطيها بالثلاجه تبرد اشوي بعدين
ربطي الكاس بشريطه زرقه بطريقه الورده ويفضل الكاس اللي يكون له قاعده
وصبي المشروب الازرق فيها
وجهزي الجلي والكاكاو بالكيس الازرق
واخذي ورقه وحطيها على باب الغرفه وكتبي عليها ( اهلا بك في عالم راويه ) كتبي اسمك مو اسمي هههههه
وحطي زينه عالباب واغلقي الباب وانتظريه وحطي بعد صوره حلوه لك عالباب
ويفضل لو تنشرين صور حلوه على الحائط تكون لك او لاي منظر او ورد بس هاااا باللبس الازرق والطبيعه تكون بحر وازرق
حبايبي سوي كل اسبوع هالحركه وكل اسبوع لون وشوفي اشلون بيفرح وينتظر ويترقب وحتى انتي بتستانسين وتفرحين
واذا كانت الليله حمره حطي فراوله للاكل وحمره حمره ولبس احمر
وليتات تشب وتطفي بلون احمر
وعاد انتوا وافكاركم مع باقي الالوان
وليله حمره
وليله زرقه
وليله خضره
وليله ورديه
وليله بنفسجيه
وليله ورديه
| |
|
بنت ناس قلبهاألماس
عضو نشيط
عدد الرسائل : 211
تاريخ التسجيل : 30/07/2008
| | موضوع: رد: ليله حمره ليله بنفسجيه ليله زرقه ليله ورديه ليله بيضه ليله عجيـبه الإثنين أكتوبر 13, 2008 9:36 pm | |
| مشكوورة ياعسل ع الموضوع  | |
|
f9la--cute
عضو فعّال
عدد الرسائل : 301
نقاط التميز : 1
تاريخ التسجيل : 21/08/2008
| | موضوع: رد: ليله حمره ليله بنفسجيه ليله زرقه ليله ورديه ليله بيضه ليله عجيـبه الخميس أكتوبر 23, 2008 3:30 pm | |
| ثاااانكس | |
|
