*&> قبـــل لاتنــــوي الفــــرقــــى أمـــانه لاتوصــيني >&*

قبل لاتنوي الفرقا أمانه لاتوصينـي ... قعـدت أيـام أرددهـا جفانـي شخـص حبيتـه ..

دخيل الله يامحبوبي دخيلك شمعة سنيني ... نشف دمعي من عيوني على طاريـك هليتـه ..

مبي منك سوا كلمه بسيطـه لاتعنينـي .. ابيـك تقـول للعالـم محسـن شخـص مليتـه..

أبيك تصيح بأعلى صوت ابيك تقول وشفيني.. انا عقبك جسد خالي ظلام الشـوق أهديتـه...

تعبت اطرد سراب الياس وعسا ياليت يمديني .. أمد ايدي على المجهول وابني داخلي بيته ...

أنا عطشان بالقوه وبير البعد يسقيني ... مسكـت الكـاس باليمنـى شربتـه ثـم طشيتـه ...

ابي لحظه من الفرحه ابي انسان يعطيني .. رفضني كـل خلـق الله حسافـه ماترجيتـه ...

انا مجروح في دنيا شقاها من يواسيني ...انام بجمـب غربالـي وأذا فزيـت صحيتـه ....

فقدت السمع ياظالم جهلت اللي يناديني ...فقدت اهلي وخلاني فقدت اللـي انـا اغليتـه ...

جلست بروحي والغربه تسولف لي وتحاكيني ... تأشر لي بأيديها تقـول الدمـع هليتـه ...

مسح دمعي غرابيلي مسحها باقي سنيني ...تعلم خاطري المسكين على الغربـال ربيتـه ....

مادام اني انا غرقان على شاطيك ارميني ... عساي اموت غرقانـا شهيـدا يـوم خليتـه ...

حكاية ظلم انا اكتبها والاياليت تعفيني ...عن الأشجـان والفرقـا رهينـك يـوم سميتـه ...

أخيرا يوم فارقتك على الدمعه توصيني ... بقت دمعه ابحفظها لأغلـى شخـص عزيتـه ...

ابحفظ دمعتي لأمي هذا اللي يكفيني ... أبحفظها لمـوت امـي عشـان اقـول وفيتـه ....

انا راحل عن الدنيا انا وش عاد بأيديني ... مدام القبـر قدامـي هـلا بموتـي وياليتـه ....

ابي ارتاح من هم سرى داخـل شرايينـي ...ابيـه يقـول للماضـي اهنتـه ثـم ذليتـه ..